മുംബൈ: 2025ലെ ഇന്ത്യൻ പുരുഷ ക്രിക്കറ്റ് ടീമിന്‍റെ ഹോം സീസണിന്‍റെ ഷെഡ്യൂൾ ബിസിസിഐ പ്രഖ്യാപിച്ചു. സീസണില്‍ ആവേശകരമായ മത്സരങ്ങളാണ് നടക്കാനിരിക്കുന്നത്. വെസ്റ്റ് ഇൻഡീസിനും ദക്ഷിണാഫ്രിക്കയ്ക്കുമെതിരെ ടെസ്റ്റ് മത്സരങ്ങൾ, ഏകദിന, ടി20 മത്സരങ്ങൾ ഇന്ത്യ കളിക്കും.
ഒക്ടോബർ 2 ന് അഹമ്മദാബാദിൽ ആരംഭിക്കുന്ന വെസ്റ്റ് ഇൻഡീസിനെതിരായ ടെസ്റ്റ് പരമ്പരയോടെയാണ് ഹോം സീസൺ ആരംഭിക്കുന്നത്. പരമ്പരയിലെ രണ്ടാമത്തെയും അവസാനത്തെയും ടെസ്റ്റ് ഒക്ടോബർ 10 മുതൽ കൊൽക്കത്തയിൽ നടക്കും. വെസ്റ്റ് ഇൻഡീസ് പരമ്പരയ്ക്ക് ശേഷം, മൂന്ന് ഫോർമാറ്റുകളിലും ഇന്ത്യ ദക്ഷിണാഫ്രിക്കയെ നേരിടും.
ഗുവാഹത്തി ആദ്യ ടെസ്റ്റ് മത്സരത്തിന് ആതിഥേയത്വം വഹിക്കുന്നതിലൂടെ ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പര ചരിത്രപരമായിരിക്കും. നവംബർ 14 ന് ന്യൂഡൽഹിയിലാണ് പരമ്പര ആരംഭിക്കുന്നത്. നവംബർ 22 മുതൽ ഗുവാഹത്തിയിൽ രണ്ടാം ടെസ്റ്റ് നടക്കും. തുടർന്ന് ഇന്ത്യയും ദക്ഷിണാഫ്രിക്കയും ഡിസംബറിൽ മൂന്ന് മത്സരങ്ങളുള്ള ഏകദിന പരമ്പരയിലും അഞ്ച് മത്സരങ്ങളുള്ള ടി20 പരമ്പരയിലും ഏറ്റുമുട്ടും. അവസാന പോരാട്ടം അഹമ്മദാബാദിൽ നടക്കും.