ബിഗ് ബോസ് സീസൺ 7ന്റെ ഗ്രാൻഡ് ഫിനാലെ കഴിഞ്ഞു. വിചാരിച്ച പോലെ അനുമോൾ തന്നെ ഇത്തവണത്തെ വിജയി.
ഇന്നലെ നൂറ പുറത്തായതോടെ ‘ഫൈനൽ ഫൈവ്’ ആയി അനീഷ്, അനുമോൾ, ഷാനവാസ്, അക്ബർ, നെവിൻ എന്നിവർ ആണ് അവസാനം ഏറ്റുമുട്ടിയത്. ഫിനാലെയിൽ അക്ബറിൻ്റെ എവിക്ഷനും സാക്ഷിയായി. പിന്നെ നാലു പേർ അവശേഷിച്ചു.
മുൻ വിന്നർ അഖിൽ മാരാർ പറഞ്ഞത് , “അവസാന അഞ്ചുപേരും വിന്നറാകാനുള്ള യോഗ്യതയുള്ളവരാണ്. എന്നായിരുന്നു.
വീട്ടിൽ നിന്ന് പുറത്തായ നൂറയും വിജയിയെ കുറിച്ച് അഭിപ്രായപ്പെട്ടു. ആദ്യം അനീഷ്, ഷാനവാസ്, നെവിൻ തുടങ്ങിയവരുടെ പേരുകൾ പറഞ്ഞെങ്കിലും അവസാനം അനുമോളിനെയാണ് നൂറ തിരഞ്ഞെടുത്തത്.
“ആദില പോയതിനു ശേഷമാണ് ഞാൻ ഡൗൺ ആയത്. അനുമോൾ കപ്പ് എടുത്തോട്ടെ എന്ന് വിചാരിച്ചു. അനുമോൾ പറയുന്ന കാര്യങ്ങളിൽ പലതും യോജിക്കാൻ പറ്റില്ലെങ്കിലും അവൾക്ക് സ്വന്തമായൊരു കരുത്തുണ്ട്.
വീട്ടിലെ മികച്ച ഗെയിമർ അനീഷ് ആണ്. നെവിനെ വിശ്വസിക്കാൻ പറ്റില്ലെന്ന് അവൻ തന്നെ പറയും. കണ്ണടച്ച് വിശ്വസിക്കാൻ പറ്റിയത് അനീഷേട്ടനെയാണ്,” നൂറ പറഞ്ഞു.
അനുമോളോട് അനീഷിൻ്റെ പ്രണയപ്രകടനം സംബന്ധിച്ച് നൂറ അഭിപ്രായപ്പെട്ടു:
“അവസാന ആഴ്ചയിൽ പെട്ടെന്ന് പറഞ്ഞത് കൊണ്ട് എല്ലാവർക്കും സംശയം തോന്നിയെങ്കിലും പിന്നീട് അത് സത്യമാണെന്ന് തോന്നി. എന്നാൽ അനുയ്ക്ക് താത്പര്യം ഇല്ലായിരുന്നു.”
ബിഗ് ബോസ് യാത്രയെക്കുറിച്ച് നൂറ പറഞ്ഞു: “ബിഗ് ബോസ് വീട്ടിലേക്ക് കയറുമ്പോൾ സ്ട്രാറ്റജിയോ പ്ലാനോ ഒന്നുമില്ലായിരുന്നു.
ആ വീട്ടിൽ ഡ്രസ് കിട്ടാതിരുന്നതാണ് സീസൺ ഏഴിന്റെ ഏറ്റവും വലിയ പണി. ചോറിനൊപ്പം പരിപ്പും ഉരുളക്കിഴങ്ങും മാത്രം കഴിച്ചാണ് ജീവിച്ചത്. ദേഷ്യം കൺട്രോൾ ചെയ്യാനും ജീവിതം പഠിക്കാനും കഴിഞ്ഞു.”
ആദിലയുമായുള്ള ബന്ധത്തെ കുറിച്ചും നൂറ വ്യക്തമാക്കി: “ആദില എന്നെ വശീകരിച്ചതല്ല. രണ്ടുപേരും പരസ്പരം വശീകരിച്ചതാണ്.”
