ചെന്നൈയുടെ ‘തല’ എം.എസ്. ധോനി ഐപിഎലിൽനിന്ന് വിരമിക്കുമെന്ന അഭ്യൂഹം ചൂടേറിയ ചർച്ചയായി. ശനിയാഴ്ച ചെന്നൈ സൂപ്പർ കിങ്സ്-ഡൽഹി ക്യാപിറ്റൽസ് മത്സരത്തിനിടയിലാണ് ധോനി വിരമിക്കുമെന്ന വാർത്ത പരന്നത്. ഇന്ത്യയുടെ മുൻ ക്യാപ്റ്റനായ ധോനി അന്താരാഷ്ട്ര ക്രിക്കറ്റിൽനിന്ന് 2019-ൽ വിരമിച്ചിരുന്നു. െഎപിഎലിലെ ഓരോ സീസണിലും വിരമിക്കൽ വാർത്ത ഉയരാറുണ്ടെങ്കിലും അതിനെയെല്ലാം അവഗണിച്ച് ധോനി 43-ാം വയസ്സിലും കളിക്കാനിറങ്ങി.
ധോനിയുടെ അച്ഛനും അമ്മയും ശനിയാഴ്ച കളി കാണാനെത്തിയിരുന്നു. ഇവരെ കണ്ടതോടെയാണ് ‘അപ്രതീക്ഷിത പ്രഖ്യാപനം’ വരാനുണ്ടെന്ന സംശയമുയർന്നത്. കമന്റേറ്ററായ ആകാശ് ചോപ്ര ഇത്തരത്തിലുള്ള സൂചന നൽകുകയുംചെയ്തു. ധോനിയെക്കുറിച്ച് ഇന്ത്യയുടെ മുൻതാരം അഭിനവ് മുകുന്ദുമായി ചർച്ചചെയ്തശേഷമാണ് ആകാശ് ചോപ്ര ഇക്കാര്യം പറഞ്ഞത്. മത്സരത്തിലെ ആദ്യ ഇന്നിങ്സിനുശേഷം പ്രഖ്യാപനമുണ്ടാകുമെന്നും വാർത്ത പരന്നു.
Dhoni Retirement Rumors Heat Up
