ഓസ്‌ട്രേലിയക്കെതിരായ നാലാം ടി20യിൽ ഇന്ത്യയ്ക്ക്‌ 48 റൺസിന്റെ തകർപ്പൻ ജയം.

ഇന്ത്യ ഉയർത്തിയ 168 റൺസിന്റെ വിജയ ലക്ഷ്യം പിന്തുടർന്ന ഓസ്‌ട്രേലിയ 18.2 ഓവറിൽ 119 റൺസിന് എല്ലാവരും പുറത്തായി.

സ്പിന്നർമാരായ വാഷിംഗ്ടൺ സുന്ദർ (3 വിക്കറ്റ്), അക്‌സർ പട്ടേൽ, ശിവം ദുബെ (ഓരോന്നും 2 വിക്കറ്റ് വീതം) എന്നിവരുടെ പ്രകടനമാണ് ഓസീസിനെ തകർത്തത്.

ആദ്യ വിക്കറ്റിൽ മിച്ചൽ മാർഷും മാത്യു ഷോർട്ടും ചേർന്ന് 37 റൺസ് നേടിയെങ്കിലും ഷോർട്ടിന്റെ പുറത്താകലോടെ തകർച്ച ആരംഭിച്ചു.

തുടർന്ന് ജോഷ് ഇംഗ്ലിസും മാർഷും ചേർന്ന് 30 റൺസ് കൂട്ടിച്ചേർത്തെങ്കിലും 12 റൺസിന് ഇംഗ്ലിസിനെ അക്‌സർ പട്ടേൽ ബൗൾഡ് ചെയ്തു.

67-2 എന്ന നിലയിൽ നിന്നാണ് ഓസീസിന്റെ തകർച്ച ആരംഭിച്ചത്. ശേഷമുള്ള എട്ട് വിക്കറ്റുകൾ വെറും 52 റൺസിനിടെ വീണു. മാർഷ് 30 റൺസുമായി മടങ്ങി.

ടിം ഡേവിഡ് (14), സ്റ്റോയിനിസ് (17), മാക്‌സ്‌വെൽ (2), ഡ്വാർഷ്വിസ് (5), ബാർട്ട്‌ലെറ്റ് (0), സാംപ (0) എന്നിവർ പരാജയപ്പെട്ടു.

നാഥൻ എല്ലിസ് (2*) പുറത്താകാതെ നിന്നു. അർഷ്ദീപ് സിംഗ്, ബുമ്ര, വരുണ്‍ ചക്രവർത്തി എന്നിവർ ഓരോ വിക്കറ്റ് വീതം നേടി.

ടോസ് നഷ്ടപ്പെട്ട ഇന്ത്യ ആദ്യം ബാറ്റ് ചെയ്ത് 20 ഓവറിൽ 167/9 എന്ന സ്കോർ നേടി. മികച്ച തുടക്കം അഭിഷേക് ശർമ്മ (28) – ശുഭ്മാൻ ഗിൽ (46) കൂട്ടുകെട്ടാണ് നൽകിയത്‌.

ഇരുവരും പവർപ്ലേയിൽ 49 റൺസ് നേടി വിക്കറ്റ് നഷ്ടമില്ലാതെ മുന്നേറി. ഗിൽ 39 പന്തിൽ 46 റൺസും ദുബെ 18 പന്തിൽ 22 റൺസും നേടി.

ക്യാപ്റ്റൻ സൂര്യകുമാർ യാദവ് (20) രണ്ടും, അക്‌സർ പട്ടേൽ (21)* അവസാന ഓവറിൽ പവർഹിറ്റിംഗും നടത്തി. സഞ്ജുവിന് പകരം കളിച്ച ജിതേഷ് ശർമ്മ 3 റൺസിന് പുറത്തായി.

ഓസ്‌ട്രേലിയയ്ക്കായി ആദം സാംപ (3 വിക്കറ്റ്), നാഥൻ എല്ലിസ് (2 വിക്കറ്റ്) എന്നിവർ മികച്ച ബൗളിംഗ് കാഴ്ചവെച്ചു.

മത്സര ജയം നേടി ഇന്ത്യ അഞ്ചു മത്സരങ്ങളുടെ പരമ്പരയിൽ 2-1ന് മുന്നിലെത്തി. ആദ്യ മത്സരം മഴ മൂലം ഉപേക്ഷിച്ചിരുന്നു.

ഓസീസ് ടീമിൽ നാല് മാറ്റങ്ങൾ വന്നപ്പോൾ ഇന്ത്യ അതേ പ്ലേയിംഗ് ഇലവൻ നിലനിർത്തി.