ജനനായകനിൽ വിജയ്ക്കൊപ്പം ആടിപ്പാടി മമിത ബൈജുവും
പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ദളപതി വിജയ്യുടെ ജനനായകനിലെ ആദ്യ ഗാനം പുറത്ത്.
‘ദളപതി കച്ചേരി’ എന്ന ഗാനമാണ് പുറത്തുവന്നിരിക്കുന്നത്. അനിരുദ്ധ് രവിചന്ദർ സംഗീതത്തില് നിറഞ്ഞാടുന്ന വിജയ്യെ ഗാനത്തില് കാണാം. ഒപ്പം പൂജ ഹെഗ്ഡെയും മലയാളത്തിന്റെ സ്വന്തം
മമിത ബെെജുവും ചുവടുവയ്ക്കുന്നുണ്ട്.
ഒരു പക്കാ സെലിബ്രേഷൻ വെെബിലാണ് ഗാനം ഒരുക്കിയിരിക്കുന്നത്. അറിവ് രചന നിർവഹിച്ച ഗാനം ആലപിച്ചിരിക്കുന്നത് അനിരുദ്ധ് രവിചന്ദറും വിജയും അറിവും ചേർന്നാണ്. എച്ച് വിനോദ് ആണ് ജനനായകൻ സംവിധാനം ചെയ്യുന്നത്.
ചിത്രം 2026 ജനുവരി ഒൻപതിന് തിയേറ്ററുകളിലെത്തും.
ബോബി ഡിയോള്, പൂജ ഹെഗ്ഡെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയ മണി, മമിത ബൈജു തുടങ്ങി താരനിരയാണ് അണിനിരക്കുന്നത്.
വെങ്കട്ട് കെ. നാരായണ ആണ് കെ.വി.എൻ. പ്രൊഡക്ഷന്റെ പേരില് ജനനായകൻ നിർമിക്കുന്നത്. ജഗദീഷ് പളനിസ്വാമിയും ലോഹിത് എൻ.കെയുമാണ് സഹനിർമാണം.
