കോഴിക്കോട്: സമാനതകളില്ലാത്ത വികസനം നടത്തി കേരളത്തെ ലോകരാജ്യങ്ങളുടെ വികസന സംസ്ക്കാരത്തിലേക്ക് എത്തിച്ച 10 വർഷമാണ് കടന്നുപോയതെന്ന് ഐ.എൻ.എൽ സംസ്ഥാന ജനറൽ സെക്രട്ടറി കാസിം ഇരിക്കൂർ പറഞ്ഞു. കോഴിക്കോട് സൗത്ത് ഇടതുമുന്നണി സ്ഥാനാർത്ഥി അഹമ്മദ് ദേവർകോവിലിന്റെ തെരഞ്ഞെടുപ്പ് പ്രചരണാർത്ഥം മേത്തോട്ടുതാഴത്ത് സംഘടിപ്പിച്ച നെല്ലിക്കോട് -പൊറ്റമ്മൽ മേഖല റാലിയുടെ ഭാഗമായുള്ള പൊതുയോഗത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. അടിസ്ഥാന സൗകര്യങ്ങൾ തികച്ചും മെച്ചപ്പെടുത്തി. മനോഹരമായ റോഡുകൾ യാഥാർത്ഥ്യമാക്കി. ആരോഗ്യ, വിദ്യാഭ്യാസ, ടൂറിസം, ഭക്ഷ്യ മേഖലകളിൽ വികസനക്കുതിപ്പാണ് നടന്നതെന്നും അദ്ദേഹം പറഞ്ഞു.
